I laugh in the face of danger...

 

 

 

Jamm það fékk sko að reyna á það núna um daginn. Við fórum nefnilega með Linda frænda að járna hestana, þegar við komum var búið að járna alla nema Venus og  Tvist, Tvistur er sko eldgamall ævaforn hestur en hann leynir alvarlega á sér. Allavega þá var Lindi að snyrta hófana á henni Venus og Alli héllt henni á meðan Svava hélt honum Tvist, ég sá alveg á honum að hann var óstyrkur greyið gamli, en Svava virtist hafa róandi áhrif á hann.

 

Ekkert meira með það nema Svava þurfti að skreppa frá þannig ég hélt við Tvist á meðan hún var í burtu og ég sá að hann varð strax órólegri þegar hún fór. Svo kom svava aftur og Tvistur róaðist aðeins. Nema hvað, Svava segir við Alla að hún hafi þurft að hringja í vinnuna og segja að sér seinkaði því hún ætlaði í heita pottinn eftir járningarnar til að lykta ekki eins og hross í vinnunni. Hann sagði henni þá bara að fara núna og að ég gæti haldið Tvist á meðan þeir kláruðu að járna Venus.  Ég tók við Tvist á þá fór nú aldeilis að hitna í kolunum.

 

Fyrst var Tvistur bara óstyrkur og nuddaði sig mikið bæði við mig og tréverkið, hann var að reyna að losa af sér múlinn en ég ýtti honum bara þar sem hann átti að vera og reyndi svo að tala við hann og klappa honum til að hann róaðist. Hann var þó ekki alveg á því að róast niður og tók svo bara upp á því að prjóna, mér dauðbrá þegar hófarnir voru komnir uppá trégrindina og ýtti þeim aftur (og fékk komment á hvort ég væri orðin brjáluð...ég vildi bara losna við danglandi hófa frá andlitinu á mér!) svo prjónaði hann aftur, þáýtti ég honum rækilega aftur og gerði eins og Alli sagði mér að gera, vafði tauminn tvisvar utan um stálránna og hafði hann eins nálægt með hausinn og hægt var...það var ekki SJÉNS að hann gæti prjónað, nema hvað...þetta ÞRJÓSKA HROSS ákveður að prjóna bara samt, hann sleit tauminn og munaði minnstu að hann sparkaði í hausinn á mér og handleggin, ég rétt náði að forða mér.

 

Þegar hér var komið sögu ákváðum ég og Alli að skipta og hann hélt Tvist á meðan Lindi kláraði að járna Venus en ég hélt við hana á meðan. Ég elska Venus, hún er rólegasti hestur í heimi. Bærði varla á sér á meðan á þessu stóð.

 

Allavega náðum við að klára að járna venus og ég ætlaði svo bara að halda henni á meðan Alli og Lindi frændi bisuðu við að snyrta og járna Tvist. Nema hvað, það var bara ekkert hægt að járna Tvist, hann prjónaði og sparkaði og hoppaði og lét öllum illum látum, að endingu vafði Alli tauminn tvisvar um slánna eins og ég gerði, nema hvað, einvhern veginn tókst Tvist að kippa það fast í tauminn að hann dróst út og þannig fékk hann nóg pláss til að prjóna og sparka í hausinn á Alla.

 

 Það fór að fossblæða úr nefinu á honum og ég get svo svarið að ég hef sjaldan verið jafn hrædd...ég hélt að það væri að blæða frá heilanum á honum eða eitthvað af því ég sá aldrei hófana fara nálægt nefinu á Alla, bara í hausinn. En krafturinn í högginu var víst nóg til að það sprakk æð í nefinu á honum en það er í lagi með hann og ég er bara með smá rispu á hendinni þar sem hófurinn á Tvist rétt náði að strjúkast við. Eftir þetta var ekki reynt neitt frekar að járna Tvist...óþekki hestur.

Hehe, annars er mest lítið að frétta héðan, ég er farin að hlakka svo mikið til að komast á hestbak. Una kemur á morgun, ég sækji hana á flugvöllinn kl. 12:00 og það verður gaman. Erla og Tryggvi eru hér enn en ég held þau fari á morgun. Þau buðu okkur út að borða á Greifann í dag....that was wonderfully wonderful and I ate toooooo much. Afi bauðst til að kaupa fartölvu handa mér en ég sendi honum e-mail og reyndi eftir mætti að segja honum að ég geti vel keypt mér fartölvu sjálf eftir svona 3-4 mánuði...það er ekki svo langt. Ég efast samt um að hann muni hlusta á mig.

 Jamm....það eru bara engar aðrar fréttir af mér.

Hit me up if you wanna chat...drunken hen cuddle, tootles Choccie Blondie.

Athugasemdir

[Sandra Grettisdóttir, 28.6.2007 kl. 17:40]

Hæ, guess what? Afmælisgjöfin þín er loksins tilbúin! Hvenær viltu svo fá hana? Ég verð ekki heima um helgina út af ættarmótinu.. Svo það er bara í kvöld og eftir helgi.