22.8.2007 | 20:11
Hann var svo hræddur...
Um daginn fékk ég í heimsókn tvær litlar stelpur, alveg óvænt, ég var að klæða mig eftir sturtu þegar dyrabjallan hringdi. "Er þetta kisinn þinn? Við héldum á honum hingað frá róló, hann var svo hræddur..." Þegar ég spurði stelpurnar við hvað hann hafi verið svo hræddur var svarið....rigninguna. Kötturinn minn elskar vatn, hann leikur sér í vaskinum stundum og hefur gaman að, hann er reyndar ekki alskostar hrifinn af að vera settur í bað, en hann hefur ekki neitt mikið á móti rigningu. Ég skal alveg viðurkenna að það var frekar mikil rigning, en kisi virtist hins vegar skemmta sér ágætlega úti á tröppum við að reyna að grípa dropana.
Venjulega þegar rignir mikið heldur Múslí sig inni, en stundum hættir hann sér út, ef hann er úti þegar rigningin byrjar þá annað hvort leitar hann í skjól sjálfur eða hann leikur sér bara. Mér finnst svolítið fyndið hvað börnin hér á Akureyri eru umhyggjusöm og hvað þeir fullorðnu virðast vita lítið um ketti.
Frá því ég flutti hingað seinustu Jól þá hefur margsinnis verið hringt í mig og ég beðin að sækja köttinn minn því hann sé mjálmandi utan dyra hjá fólki, einu sinni var mér meira að segja sagt að hann stæði jarmandi fyrir utan (af sex ára barni). Það sem mér finnst fyndið við þetta er að fólk hringir og spyr hvort kötturinn sé týndur, jafn vel þegar hann er kannski tveim húsum frá, hvers lags köttur væri hann ef hann rataði ekki einu sinni um sitt nánasta umhverfi? Af hverju segir fólk ekki bara: "Ég var að klappa kettinum, eða gaf honum að borða og nú losna ég ekki aftur við hann, komdu og sóttu hann?" Því þannig er þetta oftast.
Eftir smá spjall við eina konu sem hringdi í mig kom í ljós að litlu frænkur hennar höfðu verið að klappa kisa og leika við hann, svo undrast hún það að hann standi fyrir utan dyrnar og mjálmi, hann Múslí er mikil félagsvera og hann vill alla þá athygli sem hann getur fengið.
Ein kona viðurkenndi að hafa gefið honum pínu að borða því hann virtist svangur, hún skildi svo ekkert í því að hann færi ekki bara heim að máltíð lokinni...ég missti mig næstum í hláturskast þegar hún sagði þetta, fullorðin konan. Hefur enginn lært að feitur köttur með ól, sem á stendur hvar hann býr (og sá bústaður er í sama, eða nálægu hverfi) er ekki týndur köttur? Ef hann væri í öðrum hluta bæjarins þá hefði ég áhyggjur, en varla þegar maður sér að hann á heima rétt hjá. Kettir eru gáfuð dýr og þeir bjarga sér ótrúlega vel.
En já, nóg komið af hneykslun minni yfir þessum lítilvægilegu atvikum, ég er aðallega að venta hérna því ég er byrjuð að fá leið á því að "sækja" köttinn minn í næstu götu.
Nú eru 10 dagar í að ég flytji suður. Hlakka til, kvíði fyrir, hlakka til...þið skiljið. :)
Mood: Happy but worried but happy
Music: Cuervo Ingenuo- Joaquin Sabìna
What's next: Who's up for an autumn-week-end-trip?
Um bloggið
Il Mio Quinto Senso e Mezzo
Bækur
Bækur
Nokkrar af mínum uppáhalds...það breytist samt mjög oft.
-
: Brennu-Njáls Saga
Þetta er önnur skyldulesningarbók í íslensku sem mér fannst mjög áhugaverð og hreint út sagt skemmtileg. Það verða allir íslendingar að lesa hana...bókstaflega...hahaha!
-
: The Three Musketeers
Þessa bók las pabbi minn fyrir mig á tímabilinu 12-14 ára, nokkra kafla alltaf þegar ég kom til hans á sumrin. Þarna var hann kominn með krabbamein og var svo hás að hann hljómaði eins og sjóræningi með kvef en honum þótti bara svo vænt um að fá að lesa fyrir mig að hann neitaði að gefast upp. Já, ég á ljúfar minningar af þessari bók en það er ekki eina ástæðan fyrir að hún er í uppáhaldi heldur er þetta barasta snilldar vel skrifað og maður festist alveg í henni þegar maður er byrjaður. Spennandi og ævintýraleg, einfaldlega allt það besta í einni bók.
-
: Kristnihald Undir Jökli
Ein af örfáum skyldulesningabókum í íslensku sem mér fannst virkilega þess virði að lesa. Mér fannst hún góð og hana nú.
-
: Like the Flowing River
Aldrei á ævinni hef ég orðið fyrir jafn miklum og sýnilegum áhrifum út af einni bók. Eftir þessa bók var ég bara svo hooked á Paulo að ég varð að skrifa honum e-mail og þakka honum innilega fyrir að hafa skrifað hana. Hann svaraði mér meira að segja og var mjög almennilegur og nice. Og ef þið lesið his biography þá er það ekkert lítið sem þessi maður hefur gengið í gegn um. Það er æðislegt að geta lesið svona innblásna bók eftir mann sem er virkilega lífsreyndur. Það besta við þessa bók er að manni finnst aldrei talað niður til manns þegar maður les þau ráð sem höfundurinn gefur. Þessi náði beint að hjartarótum og ég ætla mér að lesa hana svona 200.000 sinnum í viðbót, helst oftar :)
-
: The Picture of Dorian Grey
Þetta er bara frábær bók enda er Oscar Wild í miklu uppáhaldi hjá mér bæði sem rithöfundur og manneskja. :)
Efni
RSSBloggvinir
sandrag
Spurt er
Fólk
Vinir mínir
Hér eru nokkrir af nánustu vinum mínum, lesið það sem þeir hafa að segja!
-
Ingi
Ingus mine friend. -
Harpa á myspace
Segir sig sjálft. -
Harpa bloggar
Hér bloggar mesti hello-kitty fan í heimi :D -
Sandra á myspace
Sandy girl -
Sandra
The single most clever person walking the planet. -
Marta á Myspace
MARRRTAAAA!!!!!!! RAHHHH!!!!!! -
Marta
I love you my cowsnooze! Þessi stelpa verður rithöfundur með meiru! I promise! -
Una á myspace
rockstar in the making
keiralechat
Ég á öðrum bloggum
Hér er að finna önnur blogg þar sem ég held til, manneskja með svona marga persónuleika getur ekki látið sér nægja eitt blogg.
-
Ég á Myspace
Lucidamente -
Socialmalady
You Can Fall Slave to the Universe Inside a Mind
Heimsóknir
Flettingar
- Í dag (2.2.): 0
- Sl. sólarhring:
- Sl. viku: 1
- Frá upphafi: 0
Annað
- Innlit í dag: 0
- Innlit sl. viku: 1
- Gestir í dag: 0
- IP-tölur í dag: 0
Uppfært á 3 mín. fresti.
Skýringar
Tónlist
Video
-
Christina D'Avena - KOR - Sigla-Johnny è quasi magia
La sigla che ti da i brividi. KOR was so one of my many favorites back in the day and this is the beautiful theme song that I loved when I was itty bitty and it still stays with me as a gazillion other italian kids.
Athugasemdir
Æji krúttlegar stelpur samt. Og kisinn þinn er ekki feitur!
Og já það er fyndið hvað fólk virðist vita lítið um ketti, en það eru bara ekki allir við!
Ég var inn í sveit áðan og sá Lúsí og Pjakk og Dimmu og langaði bara ekkert í bæinn aftur!
En já, nú eru 8 dagar þangað til þú ferð, hvað ég á þá að gera veit ég ekki alveg...
Sandra Grettisdóttir, 24.8.2007 kl. 15:23
Hæh. Mikið rosalega erum við 3 að standa okkur í blogginu!
Sandra Grettisdóttir, 11.9.2007 kl. 11:18
Bæta við athugasemd [Innskráning]
Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.